काठमाडौं- जापानमा जारी टोक्यो ओलम्पिकको आज १०औं दिन हो। १०औं दिनका खेल सुरु भइरहँदा अहिले चीन शीर्षस्थानमा छ।
अहिलेसम्म १८० पदकको छिनोफानो भइसक्दा चीनले अग्रता बनाइरहेको छ। यससँगै ५६ राष्ट्रले विभिन्न पदक आफ्नो नाम गरिसकेका छन्।
अब ५ दिन बाँकी रहेको प्रतियोगितामा चीनले २४ स्वर्णसहित कूल ५१ पदक जितेको छ। उसले १४ रजत जितेको छ भने १३ काश्य जितेको छ।
दोस्रो स्थानको अमेरिका २० स्वर्णसहित ५९ पदकका साथ दोस्रो स्थानमा छ। उसले २३ रजत र २६ काश्य जितेको हो।
यता सुरुमा शीर्षस्थानका लागि प्रतिस्पर्धा गरिरहेको आयोजक जापान अहिले शीर्षस्थानको चीनभन्दा निकै पछि छ। जापान स्वर्णमा चीनभन्दा सात स्थान तल छ भने पदकका हिसाबले पनि २० स्थान तल छ।
उसले आफ्नो खातामा १७ स्वर्ण जम्मा गरे पनि पाँच रजत र ९ काश्यक जितेको छ। चौथो स्थानमा रहेको अष्ट्रेलियाले १४ स्वर्णसहित ३१ पदक जितिसकेको छ।
रसियन ओलम्पिक कमिटीले १२ स्वर्णसहित ४४ पदक जित्दा युनाइटेड किंदमले १० स्वर्णसहित ४४ पदक जितेको छ।
फ्रान्स र कोरियाले समान ५,५ स्वर्ण जितेका छन् भने चार स्वर्ण जित्नेमा इटाली, नेदरल्यान्ड, जर्मनी न्युजिल्यान्ड र चेक गणतन्त्र छन्। क्यानडा, स्विट्जरल्यान्ड र क्रोएसियाले समान ३,३ पदक स्वर्ण जितेका छन्।