सुदूरपश्चिममा एक हजार ६७८ कोरोनाका संक्रिय संक्रमित, सात हजार ५९५ जना निको भए

धनगढी- सुदूरपश्चिम प्रदेशका बिभिन्न जिल्लामा संक्रिय संक्रमितको संख्या एक हजार ६७८ पुगेको छ।

प्रदेश स्वास्थ्य निर्देशनालय डोटीका अनुसार सबैभन्दा धेरै कैलालीमा ८७०, डोटीमा १५६ कोरोनाका संक्रिय संक्रमित छन्।

यस्तै कञ्चनपुरमा ७६, बझाङमा १६५, अछाममा ८३, बैतडीमा ३५, डडेल्धुरामा ८०, दार्चुलामा १८८ जना, बाजुरामा ६ र प्रदेश बाहिरका १९ जना कोरोनाका संक्रिय संक्रमित छन्।

पछिल्लो २४ घण्टामा महाकाली अस्पतालबाट ४७ र बैतडीबाट ६ जना गरी ५३ जना डिस्चार्ज भएका छन्। सुदूरपश्चिमबाट हाल सम्म सात हजार ५९५ जना डिस्चार्ज भएको प्रदेश स्वास्थ्य निर्देशनालय डोटीले जनाएको छ।

सुदूरपश्चिममा ८३० जनाको रिपोर्ट आउन बाँकी छ। 

प्रदेशमा हाल सम्म संक्रमितको संख्या नौ हजार २९४ पुगेको छ। प्रदेशमा २१ जना कोरोना संक्रमितको मृत्यु भएको निर्देशनालयले जनाएको छ।