हङकङ- हङकङको विमान कम्पनी क्याथी प्यासिफिक एयरवेजले ८ हजार ५०० कर्मचारी कटौती गर्ने भएको छ।
कोरोना भाइरसको महामारीका कारण विमान सेवा सञ्चालन गर्न नसकिएकाले कर्मचारीहरुलाई राखिरहन पनि नसकिने भएकाले कटौती गर्न लागिएको कम्पनीका अधिकारीहरुले जानकारी दिएका छन्।
रोजगारीबाट हटाउन लागिएका कर्मचारीहरु मध्ये ५ हजार ३०० जना हङकङमै रहेर काम गर्नेहरु परेका छन्।
त्यसबाहेक अरु ६०० जना अन्य ठाउँमा रहेका कर्मचारीहरुलाई कटौती गर्न लागिएको कम्पनीको भनाई छ। अरु २ हजार ६०० पद भने पहिलेदेखि नै खाली रहेको थियो।
कम्पनीको कुल रोजगारीको २४ प्रतिशत कर्मचारी कटौती भएको कम्पनीद्वारा जारी वक्तव्यमा उल्लेख गरिएको छ। रासस