सुर्खेत– कोरोना भाइरस संक्रमणबाट सुर्खेतमा थप एक जनाको मृत्यु भएको छ। मृत्यु हुनेमा गुर्भाकोट नगरपालिका–२ का २२ वर्षीय युवक छन्।
ती युवकको प्रदेश अस्पताल सुर्खेतमा उपचार गर्दागर्दै बिहीबार साँझ मृत्यु भएको कर्णाली प्रदेशको सामाजिक विकास मन्त्रालयले जनाएको छ।
शौचालय गएका बेला बुधबार एक्कासि मुखमा फिँज आएको र बेहोस अवस्था भेटिएपछि उनलाई राति ११ बजे प्रदेश अस्पताल सुर्खेतमा भर्ना गरिएको थियो। स्वास्थ्य जाँच गर्दा उनको फोक्सोको बाहिरी भागमा हावा भरिएको थियो।
कोरोना आशंका लागेर उनको बिहीबार नै स्वाव संकलन गरिएको थियो। तर रिपोर्ट नआउँदै साँझ ५ बजे उनको मृत्यु भएको मन्त्रालयको स्वास्थ्य शिक्षा अधिकृत नवराज कँडेलले जानकारी दिए।
बिहीबार साँझ ७ः३० प्रदेश अस्पाताल÷पशुपन्छी रोग अन्वेषण प्रयोशाला सुर्खेतमा गरिएको परीक्षणले उनको कोरोना पुष्टि भएको थियो। योसँगै कर्णालीमा कोरोनाबाट मृत्यु हुनेको संख्या १२ पुगेको छ।