प्रधानसेनापति र कतारका राजदूतबीच भेटवार्ता

काठमाडौं- प्रधानसेनापति पूर्णचन्द्र थापा र कतारका राजदूत युसुपबिन मोहम्मद अल हैलबीच भेटवार्ता भएको छ।

भद्रकालीस्थित जंगी अड्डामा भेटवार्ता भएको सैनिक जनसम्पर्क तथा सूचना निर्देशनालयले जनाएको छ।

भेटवार्तामा दुई पक्षीय आपसी हित तथा पारस्परिक सम्बन्धका विषयमा छलफल भएको बताइएको छ।

मित्रराष्ट्रका उच्चपदस्थ अधिकारीहरुसँग हुने भेटवार्ताले दुई देशबीचको आपसी सौहार्दपूर्ण सम्बन्ध सुमधुर एवम् प्रगाढ बनाउन मद्दत पुग्ने नेपाली सेनाले विश्वास लिएको छ।