काठमाडौं– नेपालमा आजसम्म ७७ हजार २७७ जना कोरोनामुक्त भएका छन्।
स्वास्थ्य तथा जनसंख्या मन्त्रालयका अनुसार प्रदेश १ मा ६ हजार ६८७, प्रदेश २ मा १५ हजार ९० र बागमती प्रदेशमा २९ हजार ३८९ जना कोरोना मुक्त भएका छन्।
यस्तै गण्डकी प्रदेशमा चार हजार २५५, लुम्बिनी प्रदेशमा १० हजार ७८१, कर्णाली प्रदेशमा तीन हजार ४८० र सुदूरपश्चिम प्रदेशमा सात हजार ५९५ जना कोरोना मुक्त भएका छन्।
देशभर ३३ हजार ८८० जना सक्रिय संक्रमित रहेका छन्। पछिल्लो २४ घण्टामा नेपालमा चार हजार ४७ जना कोरोना भाइरस संक्रमित थपिएका छन् भने एक हजार ४७३ जना कोरोना मुक्त भएका छन्।