जाजरकोट जीप दुर्घटना : मृतकको संख्या ५ पुग्यो

सुर्खेत- जाजरकोटमा जीप दुर्घटनामा मृत्यु हुनेको संख्या ५ पुगेको छ। दुर्घटनामा जुनीचाँदे गाउँपालिका वडा नं. ११ का वडाध्यक्ष अमरबहादुर शाहीकाे मृत्यु भएकाे छ। त्यस्तै वडा नं. ११ का कीर्तिबहादुर शाही, खेमराज शाही, लालबहादुर बुढा र मालिका बस्नेतकाे मृत्यु भएकाे छ।

स्थानीयका अनुसार जीप खोलामा खसेको छ। दुई जनाको शव निकालिसकिएको छ भने बाँकी ३ जनाको शव निकाल्ने काम भइरहेको छ।

दुर्घटनामा परेका अन्य दुई जना बेपत्ता रहेको स्थानीय रामबहादुर विष्ट बताए। प्रहरी भर्खर दुर्घटनास्थल पुगेको छ।

दुर्घटनामा वडा नं. ११ का नरबहादुर बुढा घाइते भएका छन्। उनलाई उपचारको लागि गाउँपालिकाको छेडाबजार लगिएको छ।

सरदमुकाम खलंगाबाट गाउँपालिकाको केन्द्र पराले जाँदै गरेको भे १ ज ९३५ नम्बरको जीप आज (बुधबार) दिउँसोसाढे दुई बजेतिर दुर्घटनामा परेको हो। गाडी चालक फरार छन्। दुर्घटनाको कारण खुल्न सकेको छैन।