भैरहवा– प्रदेशको स्थायी राजधानी रुपन्देहीबाट दाङ सार्न लागिएको विरोधमा नेपाली कांग्रेसले आह्वान गरेको बन्दको प्रभाव रुपन्देहीमा देखिएको छ।
लामो तथा छोटो दुरीका सवारीसाधन चलेका छैनन्। बन्दकर्ताले बुटवलमा निषेध आदेश उल्लघंन गरेर प्रदर्शन गरिरहेका छन्। यसैगरी भैरहवा, मुर्गिया, धकधई, मणिग्राम, लुम्बिनी, मर्चवार, बेथरी क्षेत्रमा कांग्रेस कार्यकर्ताले सडकमा टायर बालेर प्रदर्शन गरिरहेका छन्।
भैरहवाको देवकोटा चोकमा पार्टीका जिल्ला सदस्यहरु रामकिसुन विश्वकर्मा, नगर सभापति दीलिप धिताल, तरुण दल जिल्ला अध्यक्ष सोम गुरुङ, तरुण दल नगर अध्यक्ष दीपेन्द्र बुढाप्रीतिको नेतृत्वमा चक्काजाम भइरहेको छ।
यसका कारण भारतबाट डिजेल, पेट्रोल लिएर आयल निगम भलवारी डिपोतर्फ हिँडेका ट्यांकरसमेत सडकमै रोकिएका छन्।