धनगढी– सुदूरपश्चिम प्रदेशको अस्थायी राजधानी धनगढीबाट यहाँक पहाडी जिल्लामा आन्तरिक उडान सुरु हुने भएको छ।
आज (शनिबार) संस्कृति, पर्यटन तथा नागरिक उड्डयन मन्त्री योगेश भट्टराईले परीक्षण उडानको उद्घाटन गर्ने भएका हुन्।
समिट एयरले आज धनगढीबाट डोटी, बझाङ र बैतडीमा परीक्षण उडान गर्ने भएको धनगढी विमानस्थलका प्रमुख तेजबहादुर बुढथापाले बताएका छन।
तीन जिल्लामा परीक्षण उडान हुने उनले बताए। सुरुमा धनगढी–बैतडी परीक्षण उडानको उद्घाटन गरिने र त्यसपछि डोटी र बझाङ पुगेर मन्त्री भट्टराईले नै परीक्षण उडानको उद्घाटन गर्ने कार्यक्रम रहेको बुढथापाले बताए।
परीक्षण उडान सफल भए विमान कम्पनीलाई धनगढीलाई बेस बनाएर पहाडी जिल्लामा उडान सुरु गर्न आह्वान गरिने धनगढी विमानस्थल कार्यालयले जनाएको छ।