विराटनगरमा थप एक संक्रमितको मृत्यु 

विराटनगर- नोबेल शिक्षण अस्पताल विराटनगरमा एक कोरोना संक्रमितको मृत्यु भएको छ।

झापाको गौरादह-१ घर भएका ५१ वर्षीय पुरुषको सोमबार दिउँसो १ बजे नोबेल शिक्षण अस्पतालको आइसोलेसनमा मृत्यु भएको अस्पतालका जनसम्पर्क अधिकृत नारायण दाहालले बताए। 

उनलाई श्वासप्रश्वासमा समस्या भएपछि असोज ३ गते नोबेल अस्पताल ल्याइएको थियो। पीसीआर परीक्षण गराउँदा मंगलबार कोरोना पुष्टि भएपछि तत्काल अस्पतालकै आइसोलेसनमा भर्ना गरिएको थियो।

आइसोलेसनमै उपचारका क्रममा संक्रमित पुरुषको मृत्यु भएको जानकारी दाहालले दिए। मृतकमा मधुमेह, उच्च रक्तचाप र कलेजो सम्बन्धी पुरानै समस्या रहेको अस्पतालले जनाएको छ।