काठमाडौं- नेपाल उद्योग वाणिज्य महासंघका उपाध्यक्ष चन्द्र ढकाललाई कोरोना संक्रमण पुष्टि भएको छ।
आइतबार गरिएको परीक्षणमा उनको रिपोर्ट पोजेटिभ आएको उनी आफैले सामाजिक सञ्जालमार्फत जानकारी गराएका छन्।
संक्रमण पुष्टि भएपछि उनी होम आइसोलेशनमा बसेका छन् । आफ्नो स्वास्थ्यमा कुनै समस्या नरहेको उनले जानकारी गराएका छन् ।
व्यवसायी ढकालले केही दिनयता आफ्नो सम्पर्कमा आएका सबैलाई सुरक्षित रहन र आवश्यक स्वास्थ्य सजगता अपनाउन आग्रह गरेका छन्।
व्यवसायी ढकाल आइएमइ बैंकका संस्थापक र चन्द्रागिरी हिल्सको लगानीकर्ता हुन् ।
यसअघि उद्योगी तथा सांसद विनोद चौधरीलाई पनि कोरोना संक्रमण भएको थियो। उनी संक्रमणमुक्त भइसकेका छन्।