काठमाडौं- विश्वव्यापी महामारीको रुपमा फैलिएको कोरोना भाइरसबाट ज्यान गुमाउनेको संख्या १० लाख नाघेको छ ।
पछिल्लो २४ घण्टामा ४ हजार ९८ जनाको मृत्यु भएसँगै कोरोनाबाट ज्यान गुमाउनेको संख्या १० लाख २ हजार ३ सय ८३ पुगेको वर्डओ मिटरले लेखेको छ ।
जोन हपकिन्स विश्वविद्यालयका अनुसार भने कोरोना भाइरसबाट मृत्यु हुनेको संख्या ९ लाख ९६ हजार ९६ जनाको मृत्यु भएको छ । विश्व स्वास्थ्य संगठनले संकलन गरेको तथ्यांकअनुसार कोरोनाबाट ज्यान गुमाउनेको संख्या ९ लाख ९१ हजार २ सय २४ छ ।
तथ्यांक फरक फरक भएपनि कोरोनाबाट ज्यान गुमाउनेको संख्या १० लाख नजिक रहेको छ । जोन हपकिन्स विश्वविद्यालयका अनुसार अहिलेसम्म कोरोनाबाट ३ करोड २९ लाख ६९ हजार ९ सयभन्दा धेरै कोरोना भाइरसबाट संक्रमित भएका छन् ।
सबैभन्दा धेरै संक्रमित र मृतक अमेरिकामा छन् । जहाँ कोरोनाबाट ७१ लाख १० हजार ७ सय भन्दा धेरै संक्रमित भएका छन् भने २ लाख ४ हजार ७ सय ५० जनाको मृत्यु भएको छ।
छिमेकी मुलुक भारतमा ५९ लाख ९२ हजार ५ सय ३२ जना संक्रमित हुँदा ९४ हजार ५ सय ३ जनाको मृत्यु भएको छ । ब्राजिलमा ४७ लाख १८ हजारमा संक्रमण पुष्टि हुँदा१ लाख ४१ हजार ४ सय ६ जनाको मृत्यु भएको छ ।
यस्तै कोरोनाबाट मेक्सिकोमा ७६ हजार ४ सय ३०, बेलायतमा ४२ हजार ७७, इटालीमा ३५ हजार ८ सय ३५, पेरुमा ३२ हजार १ सय ४२, फ्रान्समा ३१ हजार ६ सय ७५ र स्पेनमा ३१ हजार २ सय ३२ जनाको मृत्यु भएको छ ।
त्यस्तै कोलम्बियामा २५ हजार ४ सय ८८, रुसमा २० हजार २ सय, दक्षिण अफ्रिकामा १६ हजार ३ सय ९८,३९, अर्जेन्टिनामा १५ हजार ७ सय ४९ जनाको मृत्यु भएको छ ।