बाँके- नेपालगन्जमा थप एक जना कोरोना संक्रमित पुरुषको मृत्यु भएको छ।
नेपालगञ्ज मेडिकल कलेज शिक्षक अस्पताल कोहलपुरमा उपचाररत ५२ बर्षीय पुरुषको शुक्रवार विहान २ः२५ बजे मृत्यु भएको हो।
मृतक नेपालगञ्ज उपमहानगरपालिका वडा नं ३ एकलैनी निवासी हुन् । उनी भदौ ६ गते दिउँसो कोरोना पोजेटिभ रिपोर्ट आएपछि सोही दिन राति ११ बजे अस्पतालमा भर्ना भएका थिए।
उनको अवस्था बिग्रिदै गएपछि आइसियूमा राखेर उपचार हुँदै आएको थियो । मृतकको फोक्सोमा निमोनिया हुनुको साथै उच्च रक्तचाप समेत देखिएको जिल्ला कोरोना फोकल पर्सन नरेश श्रेष्ठले जानकारी दिए।
यो सँगै बाँकेमा कोरोना संक्रमित १२ जनाको मृत्यु भएको छ।