काठमाडौं– नेपाल सरकारले चीनसँग जोडिएको हुम्लामा सीमा अतिक्रमण नभएको बताएको छ।
बुधबार साँझ परराष्ट्र मन्त्रालयले प्रेस विज्ञप्ति जारी गर्दै चीनले बनाएको भवन उसकै भूमिमा भएको बताएको हो।
विज्ञप्तिमा भनिएको छ– ‘नापी विभाग र सरकारी अधिकारीहरूले स्थलगत अध्ययन गर्दा चीनले सीमा क्षेत्रभन्दा एक किलोमिटर पर आफ्नै भूमिमा भवन बनाएको पाइएको छ।’
विज्ञप्तिमा नेपाली भूमि अतिक्रमणमा परेको भन्दै आएका समाचार निराधार भएको र त्यसको भ्रममा नपर्न पनि आग्रह गरिएको छ।
सरकारले नेपाल र चीनबीच सीमाका विषयमा कुनै विवाद नरहेको र दुई देशबीच सौहार्दपूर्ण सम्बन्ध भएको पनि बताएको छ।