काठमाडौं– सर्वोच्च अदालतले नेकपाका अध्यक्ष एवम् प्रधानमन्त्री केपी शर्मा ओली र कार्यकारी अध्यक्ष पुष्पकमल दाहालविरुद्ध दायर अवहेलना मुद्दा तामेलीमा राख्ने निर्णय गरेको छ।
सर्वोच्चका न्यायाधीश तेजबहादुर केसीको एकल इजलासले मुद्दा तामेलीमा राख्ने निर्णय गरेको हो।
१३ कात्तिक २०७४ मा तत्कालीन राष्ट्रिय जनता पार्टीका नेता सर्वेन्द्रनाथ शुक्लले ओली–दाहालविरुद्ध सर्वोच्चमा अवहेलना मुद्दा दायर गरेका थिए।
प्रतिनिधिसभा र प्रदेशसभा निर्वाचनअघि अदालतको आदेशको मर्यादासमेत कायम नगरेर मतपत्र छाप्ने प्रक्रिया अघि बढाउन नदिने भनेर अवहेलना गरेको आरोप शुक्लले मुद्दामा दायर गरेका थिए।