काठमाडौं- कोरोना भाइरस संक्रमित ३१ जना देशका विभिन्न अस्पतालका भेन्टिलेटरमा उपचार गराइरहेका छन्।
प्रदेश १ मा एक, बागमती प्रदेशमा २८ र प्रदेश ५ मा दुई जनाले भेन्टिलेटरमा उपचार गराइरहेको स्वास्थ्य तथा जनसंख्या मन्त्रालयले जनाएको छ।
यस्तै १९६ जना आईसीयूमा उपचाररत छन्। प्रदेश १ मा १०, प्रदेश २ मा १६ र बागमती प्रदेशमा १२८ जना आईसीयूमा छन्।
गण्डकीमा पाँच, प्रदेश ५ मा २२ र कर्णाली प्रदेशमा १५ जना आईसीयूमा रहेको मन्त्रालयले जनाएको छ