एम्बाप्पे खेलमा फर्किएसँगै पीएसजी जितको लयमा

काठमाडौं- फ्रेन्च लिग वानका सुरुवाती दुई खेलमा पराजय भोगेको डिफेन्डिङ च्याम्पियन पेरिस सेन्ट जर्मेनले आइतबार साँझ दोस्रो जित निकालेको छ।

निसेको मैदानमा सम्पन्न खेलमा पीएसजीले घरेलु टिमलाई ३-० ले पराजित गरेको हो।

जितका लागि केलियन एम्बाप्पे, एन्जेल डि मारिया र काक्र्विन्होसले १-१ गोल गरे। खेलको ३८ औँ मिनेटमा पेनाल्टीमा पाएको अवसरको सदुपयोग गर्दै एम्बाप्पेले सुरुवाती गोल गरे।

पहिलो हाफको अतिरिक्त समयमा एन्जेल डि मारियाले गोल गर्दै अग्रतालाई दोब्बर बनाए। डि मारियाको गोलसँगै पीएसजी पहिलो हाफमा २ गोलले अघि रह्यो।

दोस्रो हाफमा पीएसजीले १ गोल थप्यो। डि मारियाको पासमा माक्र्विन्होसले गोल गर्दै अग्रतालाई ३-० बनाए। तीन गोलको अग्रतासँगै जित निकालेको पीएसजी ६ अंक जोडेर तालिकाको सातौँ स्थानमा छ।

पीएसजीले ४ खेलमा २ जित र २ हार बेहोरेको छ।