सुदूरपश्चिममा थप ३९ जनामा कोरोना पुष्टि

धनगढी- सुदूरपश्चिममा आज (शनिबार) थप ३९ जनामा कोरोना संक्रमण पुष्टि भएको छ।

पछिल्लो २४ घण्टामा ५८२ जनाको परीक्षणमा थप ३९ जनामा कोरोना संक्रमण पुष्टि भएको हो।
सेती प्रादेशिक अस्पतालको प्रयोगशालामा भएको परीक्षणमा १३ जनामा कोरोना संक्रमण पुष्टि भएको छ। पछिल्लो २४ घण्टामा सेती प्रादेशिक अस्पतालमा ३९३ जनाको परीक्षण भएकोमा १३ जनामा कोरोना संक्रमण पुष्टि भएको अस्पतालका सूचना अधिकारी दिलिप कुमार श्रेष्ठले बताए।

सूचना अधिकारी श्रेष्ठका अनुसार कैलालीको गोदावरी नगरपालिका-१२ का ४ जना, धनगढी उप–महानगरपालिका–१ का ३ जना, वडा नम्बर ८ का २ जना, वडा नम्बर २ का १ जना र जानकी गाउँपालिका–६ का १ जना र बझाङको खप्तड छान्ना गाउँपालिकाका २ जनामा संक्रमण पुष्टि भएको छ।

यता, डडेल्धुरा अस्पतालको प्रयोगशालामा गरीएको परीक्षणमा २६ जनामा कोरोना पुष्टि भएको छ। पछिल्लो २४ घण्टामा १८६ जनाको परीक्षणमा २६ जनामा कोरोना संक्रमण पुष्टि भएको अस्पतालका मेडिकल ल्याव टेक्नोलोजिष्ट जिनी गणेजुले बताए।

त्यस्तै दार्चुलाको मार्मा गाउँपालिकाका २० जना, महाकाली नगरपालिकाका १ जना, डडेल्धुराको नवदुर्गा गाउँपालिकाका २ जना, अमरगढी नगरपालिकाका १ जना र बैतडीको पाटन नगरपालिकाका २ जनामा संक्रमण पुष्टि भएको छ।

उता, जिल्ला अस्पताल डोटीको प्रयोगशालामा पछिल्लो २४ घण्टामा ११२ जनाको परीक्षणमा सबैको रिपोर्ट नेगेटिभ आएको छ।