नेपालगन्ज- तीन वर्षदेखि मुटु रोगसँग जुध्दै आएका बाँकेका एक कोरोना संक्रमित पुरुषको मृत्यु भएको छ ।
नेपालगन्ज उपमहानगरपालिका– ९ का ५९ वर्षीय पुरुषको आइतबार राति ८ बजेर ३० मिनेटमा मृत्यु भएको स्वास्थ्य कार्यालय बाँकेले जनाएको छ ।
उनको नेपालगन्ज मेडिकल कलेज शिक्षण अस्पताल कोहलपुरमा उपचारका क्रममा मृत्यु भएको हो । उनी तीन वर्षदेखि मुटु रोगसँग जुध्दै आएको उनको उपचारमा संलग्न चिकित्सकहरुले जनाएका छन् ।
भदौ १२ गते स्वास्थ्यमा समस्या देखिएपछि कोरोना परीक्षणका लागि भदौ १३ गते स्वाब लिइएको थियो । १५ गते पीसीआर रिपोर्ट पोजिटिभ आएको थियो ।
त्यसपछि उनी इन्द्रेणी होटलको आइसोलेसनमा सेन्टरमा बसेका थिए । स्वास्थ्य समस्या बढेपछि उनको १८ गतेदेखि मेडिकल कलेज कोहलपुरमा उपचार भइरहेको थियो । उनको उपचारकै क्रममा आइतबार राति मृत्यु भएको हो ।
योसँगै बाकेमा कोरोना सक्रमितबाट मत्यु हुनेको संख्या ७ पुगेको छ ।