गण्डकीमा थप ४० जनामा कोरोना संक्रमण, कहाँ कति थपिए ?

पोखरा– गण्डकी प्रदेशमा थप ४० जनामा कोरोना संक्रमण पुष्टि भएको छ।

क्षयरोग उपचार केन्द्र पोखरा र स्वास्थ्य विज्ञान प्रतिष्ठान पोखरामा गरिएको परीक्षणमा नवलपरासी पूर्वका १७ जना, कास्कीका १६, लमजुङका ३, तनहुँका २ तथा बागलुङ र स्याङ्जाका १–१ जनामा संक्रमण पुष्टि भएको हो ।

संक्रमितलाई अस्पताल लैजाने की होम आइसोलेशनमा राख्ने भन्ने विषयमा छलफल भइराखेको गण्डकी स्वास्थ्य निर्देशनालयले जनाएको छ।

आज ४० जना संक्रमित थपिएसँगै गण्डकी प्रदेशमा कोरोना संक्रमितको संख्या २ हजार ३ सय ५२ पुगेको छ ।