२४ घण्टामा १२ जना कोरोना संक्रमितको मृत्यु, कुल संख्या अढाई सय नाघ्यो

काठमाडौं- कोरोना भाइरस संक्रमण भएर मृत्यु हुनेको संख्या अढाई सय नाघेको छ।

पछिल्लो २४ घण्टामा थप १२ जनाको मृत्यु भएसँगै मृतकको संख्या २५१ पुगेको हो।

केही दिनयता दैनिक रुपमा कोरोना संक्रमितको मृत्यु भइरहेको छ।

हिजो मंगलबार ११ जना, अस्ति सोमबार ७ जना र आइतबार १४ जनाको मृत्यु भएको थियो।

शनिबार १२ जनाको मृत्यु भएको थियो।

नेपालमा पहिलोपटक गत जेठ ३ गते कोरोना संक्रमित सुत्केरीको धुलिखेल अस्पतालमा मृत्यु भएको थियो।