तीन शृंखलाको टी-२० क्रिकेटमा आयोजक इंग्ल्यान्डले पाकिस्तानसँग १-१ को बराबरी खेलेको छ। तेस्रो खेलमा पाकिस्तानले आयोजक इंग्ल्यान्डलाई हराउँदै टि-२० सिरिज बराबरी गरेको हो।
प्रतिकुल मौसमका कारण पहिलो खेल प्रभावित भए तापनि दोस्रो खेलमा इंग्ल्यान्डले ५ विकेटको जित हात पारेको थियो। तर अन्तिम खेलमा भने पाकिस्तानले ५ रनको जित निकाल्यो।
मंगलबार राति म्यानचेस्टरमा सम्पन्न खेलमा टस हारेर ब्याटिङको निम्तो पाएको पाकिस्तानले निर्धारित ओभरमा ४ विकेट गुमाएर १९० रन बनायो। १९१ रनको लक्ष्य पाएको इंग्ल्यान्ड सम्पूर्ण २० ओभरमा ८ विकेट गुमाउँदै १८५ रनमा समेटिएपछि पाकिस्तानले जित निकालेको हो।
पाकिस्तानको जितका लागि मोहम्मद हाफिजले अविजित ८६ रन बनाए भने हैदर अलिले ५४ रनको योगदान दिए। त्यस्तै इंग्ल्यान्डका क्रिस जोर्डनले २ विकेट लिए।
जवाफी ब्याटिङमा आएको इंग्ल्यान्डका लागि मोइन अलीले ६१ रनको अर्धसतकिय पारी खेले भने टोम बान्टोनले ४६ रन बनाए। पाकिस्तानका सहिन अप्रिदी र वाहेब रियाजले समान २÷२ विकेट लिए।