रौतहट- रौतहट स्थित ईशनाथ नगरपालिका वडा नं ७ घिउराका एक युवकको बिहार स्थित घोडासहनमा गोली हानी हत्या भएको छ।
३५ वर्षीय दिनदयाल साहको शव गोली प्रहार गरी हत्याको अवस्थामा सोमबार पोखरी नजिकै भेटिएको छ ।
साहलाई छिमेकी मुलुक भारतमा अपराधिक समुहले गोली हानेर हत्या गरेको हुनसक्ने समाजबादी पार्टीका नेता किरण साहले बताए ।
उनले साहको मृत्यु भएको खबरले स्तब्ध भएको र यस घटनाको घोर भर्तसना गर्दै हत्यामा संलग्न अपराधिलाई पत्ता लगाई कारबाहिको लागी जोडदार माग रहेको समेत बताएका छन् ।