काठमाडौं– पछिल्लो २२ घण्टामा मुलुकका २८ जिल्लामा कोरोना संक्रमित थपिएनन्।
संक्रमित नथपिएका जिल्लामा भोजपुर, धनकुटा, खोटाङ, सोलुखुम्बु, ताप्लेजुङ, तेह्रथुम र उदयपुर छन्।
मन्त्रालयको विवरण अनुसार संक्रमित नथपिएका जिल्लामा रौतहट, दोलखा, नुवाकोट र रसुवा छन्।
यस्तै लमजुङ, मनाङ, मुस्ताङ, म्याग्दी र पर्वतमा पनि कोरोना भाइरस संक्रमित थपिएका छैनन्।
मन्त्रालयका अनुसार स्याङ्जा, रोल्पा, पूर्वी रुकुम र पश्चिम रुकुममा पनि आइतबार कोरोना भाइरस संक्रमित थपिएका छैनन्।
पछिल्लो २४ घण्टामा कोरोना भाइरस संक्रमित नथपिएका जिल्लामा डोल्पा, जुम्ला, कालिकोट, दैलेख र जाजरकोट छन्।
यस्तै बाजुरा, डडेल्धुरा र बैतडीमा पनि कोरोना भाइरस संक्रमित नथपिएको मन्त्रालयको विवरणमा उल्लेख छ।
४९ जिल्लामा ८७३ पुरुष र ३४८ महिला संक्रमित थपिए
पछिल्लो २४ घण्टामा देशका विभिन्न जिल्लामा गरी ३४८ महिला र ८७४ पुरुषमा कोरोना भाइरस संक्रमण भएको छ। सबैभन्दा बढी काठमाडौंमा ३७२ जना कोरोना भाइरस संक्रमित थपिएका छन्।
इलाममा एक, झापामा ११, मोरङमा ४९्, ओखलढुंगामा चार जना संक्रमित थपिएका छन्। यस्तै पाँचथरमा एक, संखुवासभामा दुई र सुनसरीमा ३३ जना संक्रमित थपिएका छन्।
सप्तरीमा ६, सिरहामा २६, धनुषामा ७५ जना संक्रमित थपिएका छन् भने महोत्तरीमा ३७, सर्लाहीमा ३४, बारामा ८२ र पर्सामा ४६ जनामा कोरोना भाइरस संक्रमित थपिएका छन्।
सिन्धुलीमा पाँच, रामेछापमा एक, भक्तपुरमा ४५ र धादिङमा तीन जनामा कोरोना संक्रमित थपिएको स्वास्थ्य तथा जनसंख्या मन्त्रालयको विवरणमा उल्लेख छ।
मन्त्रालयका अनुसार काठमाडौंमा ३७२, काभ्रेमा २५ र ललितपुरमा १२ जना संक्रमित थपिएका छन्। यस्तै सिन्धुपाल्चोकमा दुई, चितवनमा ९० र मकवानपुरमा भने नौ जनामा कोरोना भाइरस संक्रमण भएको छ।
बाग्लुङमा तीन, गोरखामा पाँच, कास्कीमा पाँच र पूर्वीनवलपरासीमा थप दुई जनामा कोरोना संक्रमण भएको छ। तनहुँमा आइतबार थप चार जनामा कोरोना भाइरस संक्रमित थपिएका छन्।
यस्तै कपिलवस्तुमा २५, परासीमा २१ र रुपन्देहीमा ६१ जनामा कोरोना भाइरस संक्रमित थपिएका छन्। अर्घाखाँचीमा तीन, गुल्मीमा छ, पाल्पामा आठ, दाङ र प्यूठानमा पाँच पाँच तथा बाँकीमा १४ र बर्दियामा ६ जनामा कोरोना भाइरस संक्रमित थपिएको मन्त्रालयले जनाएको छ।
पश्चिम रुकुममा चार, सल्यानमा ६, हुम्लामा एक र सुर्खेतमा थप आठ जना संक्रमित थपिएका छन्।
मन्त्रालयका अनुसार कैलालीमा छ, अछाममा आठ, डोटीमा ११ र बझाङमा थप ४७ जनामा कोरोना भाइरस संक्रमण भएको छ। कञ्चनपुरमा एक तथा दार्चुलामा दुई गरी देशभरका ३४८ महिला र ८७३ पुरुष गरी एक हजार २२१ जनामा कोरोना भाइरस संक्रमण भएको छ।
**यसअघि प्रकाशित समाचारमा केही तथ्यांक गल्ती भएकाले सच्याइएको छ। सं.