काठमाडौं- निषेधाज्ञाको समयमा होम डेलिभरी सेवा दिने विभिन्न व्यक्तिलाई प्रहरीले पक्राउ गरेको छ।
महानगरीय प्रहरी परिसरका अनुसार यूजी केककी सञ्चालिका निकिता आचार्य, फूडमाण्डुका सञ्चालक मनोहर अधिकारी, एम एक्सप्रेसका सञ्चालक संगम सिंह, अनलाइन बिक्री केन्द्र किरानाका सागर भट्ट लगायतलाई विभिन्न ठाउँबाट पक्राउ गरिएको हो।
अनलाइन माध्यमबाट माग भएका खानेकुरा तथा अन्य वस्तु डेलिभरी गर्न हिँडेका व्यवसायीलाई प्रहरीले सडकमै नियन्त्रणमा लिई होल्डिङ जोनमा राखेको परिसरका प्रवक्ता एसपी सोमेन्द्र राठौरले बताए।
विभिन्न कम्पनीको खाद्य वस्तु डेलिभरी गर्ने दर्जन हाराहारी डेलीभरीकर्तालाई पनि प्रहरीेले नियन्त्रणमा लिई होल्डिङ जोनमा राखेको जनाएको छ।
राजधानीका विभिन्न स्थानमा बनाइएका होल्डिङ सेन्टरमा केहीबेर राखेर पठाइने गरेको राठौरले जानकारी दिए।