धरानमा कोरोना संक्रमित ६८ वर्षीय पुरुषको मृत्यु

काठमाडौं- धरानको बीपी कोइराला स्वास्थ्य विज्ञान प्रतिष्ठानमा ६८ वर्षीय एक कोरोना संक्रमित पुरुषको मृत्यु भएको छ।

प्रतिष्ठानका प्रवक्ता डा. निदेश सापकोटाका अनुसार ती पुरुषको अहिले बेलुका ६ बजेर ३५ मिनेटमा मृत्यु भएको हो।

धरान उपमहानगरपालिका ८ सुनसरी घर भएका ती व्यक्तिलाई ३० साउनमा स्वास्थ्य विज्ञान प्रतिष्ठानमा उपचारका लागि भर्ना गरिएको थियो।

प्रतिष्ठानकै हेल्थ डेस्कमा रहेको समयमा अत्यधिक खोकी, श्वास फेर्न समस्या र ज्वरो आएपछि त्यहाँबाट प्रतिष्ठानको सघन कक्षमा ल्याएर उपचार भइरहेको थियो।

उच्च रक्तचाप, मधुमेह र श्वास प्रश्वास सम्बन्धी समस्या रहेका उनको २९ साउनमा कोभिड १९ को संक्रमण पुष्टि भएको थियो। शवको व्यस्थापन नियमानुसार गर्ने तयारी भइरहेको प्रतिष्ठानले जनाएको छ।