नदीमा डुबेर बालकको मृत्यु

धनगढी- कञ्चनपुरमा नदीमा डुबेर एक बालकको मृत्यु भएको छ। जिल्लाको वनहरा नदीमा नुहाउने क्रममा कृष्णपुर नगरपालिका–२ का सुरेश बोहराका नौ वर्षीय छोरा नरेश बोहराको मृत्यु भएको हो।

साथीहरुसँग नदीमा पौडी खेल्न गएका बेला डुबेर बालकको मृत्यु भएको इलाका प्रहरी कार्यालय, झलारीका प्रहरी निरीक्षक धर्मेन्द्र रावलले बताए।

प्रहरी निरीक्षक रावलका अनुसार दाउरा खोज्न नदीमा गएका स्थानीयहरुले बालकको शव देखेपछि प्रहरीलाई खबर गरेका थिए।