काठमाडौं- १३ वर्षीया एक बालिकालाई जबरजस्ती करणी गरेको आरोपमा प्रहरीले ललितपुरबाट एक युवकलाई पक्राउ गरेको छ।
कञ्चनपुरको भीमदत्त नगरपालिका- १४ घर भएका १९ वर्षीय लोकेन्द्रसिंह भण्डारीलाई ललितपुर महानगरपालिका-२८ हरिसिद्धिबाट प्रहरीले पक्राउ गरेको हो।
हरिसिद्धिस्थित चाईनिज इँटाभट्टानजिक लगी जबरजस्ती गरेको प्रहरीले जनाएको छ।
जबरजस्ती करणी गरेको जानकारी आएपछि महानगरीय प्रहरी प्रभाग हरिसिद्धिबाट खटिएको टोलीले पक्राउ गरेको हो। ती युवकलाई हिरासतमा राखेर आवश्यक अनुसन्धान भइरहेको प्रहरीले जनाएको छ।