काठमाडौं- चितवनमा थप १३ जनालाई कोरोना संक्रमण पुष्टि भएको छ।
थपिएका संक्रमितमध्ये चितवनका १० जना छन्। भरतपुर अस्पतालको कोभिड १९ परीक्षण प्रयोगशालाकी प्रमुख डा. नितु अधिकारीका अनुसार भरतपुर महानगरपालिकाका सात र राप्ती नगरपालिकाका तीन जनामा आज संक्रमण पुष्टि भएको हो।
यस्तै, मकवानपुरका दुई र नवलपुरका एक जनामा पनि संक्रमण देखिएको प्रयोगशालाकी प्रमुख अधिकारीले बताइन्।
मेडिकल कलेजमा उपचाररत महिलाको मृत्यु
चितवनको पुरानो मेडिकल कलेजमा उपचाररत हेटौंडाकी महिलाको आज मृत्यु भएको छ। मृत्यु हुनेमा हेटौंडा उपमहानगरपालिका–३ की ६५ वर्षीया महिला छिन्।
उनको आज (शनिबार) साँझ ७ः२६ बजे मृत्यु भएको हो।