काठमाडौं- सरकारले १२० दिन लामो लकडाउन खोलेको २९ दिनपछि आज बिहीबारबाट काठमाडौं उपत्यकामा निषेधाज्ञा लगाएको छ।
निषेधाज्ञाको पहिलो दिन काठमाडौं उपत्यकाका अधिकांश सडक सुनसान देखिए। अत्यावाश्यक सेवाका केहीबाहेक कुनै पनि सवारीसाधन सडकमा गुड्न दिइएको छैन।
निषेधाज्ञा उल्लंघन गरेर सवारी चलाउने सयौंलाई प्रहरीले बिहानैदेखि रोकेको थियो।
घाँटीमा परिचयपत्र झुन्ड्याएर कार्यालय हिँडेकाहरु पनि रोकिएका थिए। प्रहरीले भित्रि सडकहरुमा पनि सवारी चलाउन कडा गरेको छ।