पर्सा- पर्सामा ३४ महिला सहित थप १०८ जना कोरोना संक्रमण पुष्टि भएको छ ।
संक्रमित हुनेमा बहुदरमाई नगरपालिकाका मात्रै २३ महिला सहित ८१ जना रहेका छन् । थपिएका संक्रमितहरु ७ बर्षिय बालकदेखि ६५ वर्षीय वृद्धसम्म छन् ।
जिल्लामा एक स्थानीय तहमा मात्रै फेला परेका संक्रमितहरुको संख्या अहिलेसम्मकै उच्च हो । गत साउन २१ गते मेयर नितेन्द्र साह सहित २५ जना संक्रमित भएका थिए । त्यसयताको कन्ट्याक्ट् ट्रेसिङ्गका अधारमा गरिएको कोरोना परिक्षणमा संक्रमित बढ्दै गएको नारायणी अस्पतालका चिकित्सक डा निरज सिंहले बताए ।
वीरगंजबाट १३ किलोमिटर पश्चिममा पर्ने ९ वटा वडा रहेको बहुदरमाई नगरपालिकाको वडा नम्बर २,३ र ५ मा मात्रै ८१ जना संक्रमित थपिएका हुन्।
यसैगरी पर्साको बैरिया २ का २ महिला सहित ७ जना, जिराभवानी गाउँपालिका वडा नम्बर २ र ३ का २ महिला र २ पुरूष, नगरदाहा वडा नम्बर ३ का २ जना र छपहरमाईका एकजना संक्रमित थपिएका छन् ।
यता वीरगंज महानगरपालिकाको वडा नम्बर १६ नगवा र २५ चंडाल चोकका २ र२ जना, भारतीय दुतावासका एक महिला, वडा नम्बर १० घडिअर्वा, बहुअरी, गण्डक, ताजपुर, छपकैया, रेश्मकोठी, भिष्वा लगायतमा एक एक जना संक्रमित थपिएका हुन् ।
बारामा ८ र सप्तरीमा एकजना संक्रमित थपिए
बारा जिल्लाको श्री चण्डी गणका एक महिला सहित ४ जना संक्रमित थपिएका छन् । त्यसैगरी बाराको जितपुर सिमरा उपमहानगरपालिकाका दुईजना र प्रसौनि गाउपालिका, कलैया उपमहानगरपालिकाका एकएक जना संक्रमित थपिएका छन् ।
नारायणी अस्पतालको पिसिआर ल्याबमै गरेको परिक्षणमा सप्तरी वडा नम्बर २ का एकजनामा संक्रमण पुष्टि भएको हो ।