पर्सा- पोखरिया नगरपालिकाका मेयर दीपनारायणप्रसाद रौनियार र उनका परिवारका ८ जना सदस्यसहित पर्सामा थप ७६ जनामा कोरोना संक्रमण पुष्टि भएको छ ।
संक्रमित हुनेमा ७ वर्षिय बालकदेखि ८१ वर्षका वृद्धसम्म रहेका छन् । जसमा ४ जना चिकित्सक पनि छन् ।
समुदायस्तरमा फैलिएको कोरोना संक्रमण पर्साको ग्रामीण भेगमा अझै धेरै फैलिएको चिकित्सकहरूले बताएका छन् ।
नारायणी अस्पतालको पिसिआर ल्याबले पोखरिया नगरपालिकाको पोखरिया अस्पतालमा गरेको स्वाब टेष्टमा ३ जना चिकित्सक र ८ जना महिला गरी ३३ जना संक्रमित थपिएका छन् ।
जसमा मेयर दीपनारायण रौनियार सहित उनका परिवारका ८ सदस्यहरू समेत रहेको उनले जानकारी गराएका छन् ।
यसैगरी जिल्ला कै ग्रामीण भेगमा पर्ने जगरनाथपुर गाँउपालिकाका १५ जना पुरूष संक्रमित फेला परेका छन् ।
नारायणी अस्पतालका चिकित्सक डा निरज सिंहका अनुसार वीरगंज महानगरपालिकाको त्रिजुद्ध माध्यमिक विधालयमा गरिएको स्वाब टेष्टमा १ जना चिकित्सक र ११ जना महिला सहित २८ जना संक्रमित फेला परेको हो ।
संक्रमित मध्ये कतिपय कन्ट्याक्ट् ट्रेसिङ्गका अधारमा संक्रमित फेला परेका छन् । सच्याइएकाे