मंगलबार, कात्तिक ४, २०७७

समाचार

सिन्धुपाल्चोक- आफ्नै गाउँका एक जनाको हत्या गरी फरार भएका लिसंखुपाखर गाँउपालिका–७ का एकजना ३४ वर्षपछि पक्राउ परेका छन्। 
फुर्पा तामाङले २०४३ असोज २० गते दसैंको सामान किन्न डाँडापाखर बजार आएका २४ वर्षीय जोगलाल तामाङको हत्या गरी फरार भएका थिए।

फुर्पाले बाटो ढुकी लाठी तथा खुकुरी प्रहार गरी हत्या गरेका थिए। हत्या गरी फरार रहेका उनलाई जिल्ला अदालत चौताराले दोषी ठहर गरी सजाय तोकेको थियो। सजाय तोकेको ३४ वर्षपछि जिल्ला प्रहरी कार्यालय, चौतारा र प्रहरी चौकी, लामोसाँघुबाट खटिएको टोलीले आइतबार पक्राउ गरेको प्रहरी नायब उपरीक्षक प्रकाश सापकोटाले बताए। रासस

प्रतिक्रिया दिनुहोस्