काठमाडौं– १४० दिनपछि मैदान फर्किएको इन्डियन प्रिमियर लिग आईपीएलमा चेन्नईले साविक विजेता मुम्मबई इन्डियन्सलाई २० रनले हराएको छ।
दुवई अन्तर्राष्ट्रिय रंगशालामा आइतबार राति सम्पन्न खेलमा चेन्नइले जित निकालेको हो।
यो जितसँगै आठ खेलबाट १२ अंक बनाएको चेन्नई शीर्षस्थानमा छ। समान १२ अंक भएको दिल्ली क्यापिटल दोस्रो स्थानमा छ। पराजित मुम्बईको भने ८ अंक छ।
टस जितेर ब्याटिङ राजेको चेन्नईका लागि रितुराज गायक्वडले अविजित ८८ रन बनाए। रविन्द्र जाडेजाले २६ र ड्वेन ब्राभोले २३ रनको योगदान दिए। चेन्नईले पुरा ओभर खेल्दै ६ विकेटको क्षतिमा १५६ रन बनाएको थियो।
मुम्बईका ट्रेन्ट बोल्ट, अडम मिल्न र जसप्रित बुमराहले समान २–२ विकेट लिए।
जवाफी ब्याटिङमा मुम्बईका सौरव तिवारीले ५० रन बनाए। क्विन्टन डिकक, अनमोलप्रित सिंह र एडम मिल्नले क्रमशः १७, १६ र १५ रन बनाए। यससँगै उसले पुरा ओभर खेलेर ८ विकेटको क्षतिमा १३६ रन मात्र बनाउन सक्यो।
बलिङतर्फ ड्वेन ब्राभो, दिपक चहर, जोस हज्लेवुड र श्रर्दुल ठाकुरले ३, २, १ र १ रन बनाए।