कर्णाली प्रदेशमा आज मंगलबार आठ जना कोरोना संक्रमित थपिएका छन् । जसमध्ये सुर्खेत, रुकुमपश्चिम, सर्लाही र धनुषाका एक एक जना, सल्यान र दैलेखका दुई दुई जना छन् । योसँगै कर्णालीमा कुल संक्रमितको संख्या दुई हजार ११ जना पुगेको छ ।
सुर्खेतस्थित प्रदेश अस्पताल पशुपन्छी रोग अन्वेषण प्रयोगशाला सुर्खेत र रुकुम पश्चिमको चौरजहारी नगरपालिकाको प्रयोगलाशामा पीसीआर परीक्षण गर्दा संक्रमण पुष्टि गरेको हो ।
संक्रमितमध्ये वीरेन्द्रनगर नगरपालिका वडा नं ३, सर्लाहीको चन्द्रनगर नगरपालिका वडा नं ७, धनुषाको जनकपुरधाम उप–महानगरपालिका वडा नं ५ र रुकुमपश्चिमको मुसिकोट नगरपालिका वडा नं ५ का एक÷एक जना छन् ।
त्यस्तै सल्यानको कालिकामाटी गाउँपालिका वडा नं ३ का दुई जना र दैलेखको दुल्लु नगरपालिका वडा नंं २ र चामुण्डा बिन्द्रासैनी नगरपालिका वडा नं ६ का एक एक जनामा पनि संक्रमण पुष्टि भएको छ ।
त्यस्तै आज नै कर्णालीका विभिन्न अस्पताल र आइसोलेसन सेन्टरबाट ११ जना डिस्चार्ज भएका छन् । योसँगै कर्णालीमा डिस्चार्ज हुनेको संख्या एक हजार आठसय ९१ जना पुगेको मन्त्रालयका स्वास्थ्य सेवा महाशाखा प्रमुख बृषबहादुर शाहीले जानकारी दिए ।