कोरोना भाइरसको जोखिमलाई मध्यनजर गरेर भुटानले लकडाउन घोषणा गरेको छ।
समाचार एजेन्सी रोयटर्सका अनुसार भुटानमा पहिलोपटक लकडाउन घोषणा भएको हो।
विदेशबाट थिम्पु आएकी एक जना महिलामा कोरोना संक्रमण देखिएपछि भुटानले लकडाउन घोषणा गरेको हो। स्थानीय प्रशासनका अनुसार २७ वर्षीया ती महिला इराकबाट फर्किएकी थिइन्।
दक्षिण एसियाली मुलुकमा सबैभन्दा कम कोरोना संक्रमित भुटानमा छन्। अहिलेसम्म त्यहाँ एक जना पनि संक्रमितको मृत्यु भएको छैन।
भुटानमा करिब साढे ७ लाख जनसंख्या छ।