महानगरीय प्रहरी रानीपोखरीमा कार्यरत ३ जनामा कोरोना पुष्टि

काठमाडौं- महानगरीय प्रहरी कार्यालय रानीपोखरीमा कार्यरत ३ जना प्रहरीमा कोरोना संक्रमण पुष्टि भएको छ ।

कन्ट्रोलमा कार्यरत तीन जना प्रहरीमा कोरोना संक्रमण पुष्टि भएको महानगरीय प्रहरी कार्यालय रानीपोखरीका प्रमुख विश्वराज पोखरेलले जानकारी दिए ।

सर्वसाधरणले प्रहरीको सहयोग चाहिएमा वा प्रहरीलाई कुनै सूचना दिनुपरेमा फोन गरिने नम्बर १०० लाई मेट्रो कन्ट्रोल पनि भनिन्छ । यहाँ करिब एक सय जना प्रहरी कार्यरत रहेको प्रमुख पोखरलेले बताए ।

उनका अनुसार संक्रमित व्यक्तिहरुको सम्पर्कमा रहेका ब्यक्तिहरुलाई पीसीआर परीक्षणको तयारी गरिएको छ । यसअघि रानीपोखरीमै कार्यरत एक जना प्रहरीमा पनि कोरोना संक्रमण देखिएको थियो ।