काठमाडौं- बागमती प्रदेशमा शनिबार थप ८३ जनामा कोरोना भाइरस संक्रमण भएको छ।
प्रदेशको सामाजिक विकास मन्त्रालयका अनुसार काठमाडौंमा ५६, काभ्रेमा सात, रामेछापमा पाँच, ललितपुरमा तीन, भक्तपुरमा तीन, धादिङमा दुई, चितवनमा दुई, सिन्धुलीमा दुई, दोलखामा दुई र नुवाकोटमा एकजनामा संक्रमण भएको हो।
योसहित प्रदेशमा कुल संक्रमितको संख्या एक हजार ६३७ पुगेको छ। यसमा काठमाडौं उपत्यका मात्र संक्रमितको संख्या एक हजार ४३ पुगेको छ।
प्रदेशमा हालसम्म छ सय जना कोरोनामुक्त भएका छन्। एक हजार २७ जनाको विभिन्न अस्पतालमा उपचार भइरहेको छ।
यस्तै बागमतीमा कोरोना संक्रमणबाट मृत्यु हुनेको संख्या ११ पुगेको छ।
यस्तो छ संक्रमितको जिल्लागत विवरण
काठमाडौं– ८२३
ललितपुर– १३६
भक्तपुर– ८४
रसुवा– १२
नुवाकोट– ५४
धादिङ– १४५
चितवन– १२९
सिन्धुली–२७
मकवानपुर–६०
रामेछाप–४४
दोलखा–१५
काभ्रे –३३
सिन्धुपाल्चोक – ७५