काठमाडौं- प्रतिवन्धित नेत्रविक्रम चन्द ‘विप्लव’ नेतृत्वको नेकपाका रुकुम जिल्ला सेक्रेटरी सहित चार जना पक्राउ परेका छन् ।
जिल्लाको आठबिसकोट नगरपालिकाको एक होटलमा लुकीछिपी बसेको अवस्थामा प्रहरीले उनीहरुलाई पक्राउ गरेको हो।
प्रहरीका अनुसार पक्राउ पर्नेमा रुकुम पश्चिमका जिल्ला सेक्रेटरी हिरामणी रावल, अखिल क्रान्तिकारी विद्यार्थी संगठनका जिल्ला अध्यक्ष प्रेम प्रशान्त बोहरा, पार्टीको जिल्ला सदस्य घमण्ड महर र पार्टीको जिम्मेवारी नखुलेका तुल बहादुर घर्ती छन्।
बुधबार साँझ पक्राउ गरि उनीहरुलाई जिल्ला सदरमुकाम खलंगा ल्याउदै गरको प्रहरीले जनाएको छ।