काठमाडौं– सत्ता साझेदार दल जनता समाजवादी पार्टी (जसपा) नेपालले आज संसदीय दलको नेता चयन गर्ने भएको छ।
दलको नेता चयन गर्नका लागि केहीबेरपछि बस्न लागेको सांसद एवं कार्यकारिणी समिति सदस्य मोहम्मत इस्तियाक राईले जानकारी दिए। ‘दलको बैठकपछि हुने निर्वाचनले दलको नेता चयन गर्छ,’उनले भने।
संसदीय दलको नेता चयन भएपछि सम्भवतः आइतबार जसपा सरकारमा सहभागी हुने भएको छ। ‘हामीले माधव नेपाल पक्ष सरकारमा सहभागी हुन्छ कि हुन्न भन्ने निर्णय पर्खेर बसेका थियौं,’ जसपाका अर्का एक नेताले भने,‘त्यसकै आधारमा मन्त्रालयको भागबन्डा हुने भएकाले पर्खिएका हौं। सम्भवतः आइतबार सरकारमा सहभागी हुन्छौं।’ जसपाले माधव नेपाल पक्ष सरकारमा सहभागी नभएमा गठबन्धनका दलहरुबीच समान मन्त्रालयको भागबन्डा हुनुपर्ने बताउँदै आएको छ।