काठमाडौं- ओमनमा जारी नेपाल ओमन अमेरिका आइसीसी विश्वकप लिग-२ अन्तर्गतको त्रिकोणात्मक सिरिजमा नेपालले आज अन्तिम खेल खेल्दैछ।
आजको खेलमा नेपालले आयोजक राष्ट्र ओमनको सामना गर्नेछ। पछिल्लो तीन खेलमा नेपालल ओमनसँग हार बेहोरेको छ। र, पछिल्लो खेलमा नेपालले अल अमरेत मैदानमा घरेलु टिमसँग ५ विकेटको हार बेहोरेको थियो।
अब नेपाल जितको लक्ष्यका साथ मैदानमा उत्रने छ। जारी सिरिजको पछिल्लो खेलमा पनि नेपालले अमेरिकासँग ६ विकेटको हार बेहोरिसकेको छ। त्यसैले नेपाल अन्तिम खेलमा जित निकाल्दै सिरिजको सुखद अन्त्य गर्ने दाउमा हुनेछ।
नेपालले सिरिजका तीन खेलमा दुई हार र एक जित निकालेको छ। नेपाल अहिले आइसीसी विश्वकप लिग २ को सात खेलबाट नेपालको ६ अंक बनाएको छ। नेपालले तीन खेलमा जित निकालेको हो।
ओमन २० अंकका साथ शीर्ष स्थानमा छ भने अमेरिका १४ अंकका साथ दोस्रो स्थानमा छ।