काठमाडौं– नेपाल क्रिकेट संघ (क्यान) ले १० जना प्रादेशिक प्रशिक्षक नियुक्त गरेको छ। क्यानले शनिबार सूचना जारी गर्दै प्रशिक्षक नियुक्त गरेको जानकारी दिएको हो।
क्यानले प्रदेश नम्बर १ को प्रशिक्षकका रुपमा पुष्प थापालाई नियुक्त गरेको छ भने प्रदेश २ को प्रशिक्षकका प्रकाश शर्मा र सुनिल के साहलाई नियुक्त गरेको छ।
बागमती प्रदेशको प्रशिक्षकमा सञ्जय महर्जन नियुक्त भएका छन् भने गण्डकीका प्रशिक्षकका रुपमा रिजन प्रजोलाई क्यानले नियुक्त गरेको छ।
त्यस्तै, वसन्त साही र ममिल ए अन्सारी लुम्बिनीको प्रशिक्षक बन्ने भएका छन् भने विरेन्द्र साहीले कर्णाली प्रदेशको जिम्मा पाएका छन्।
सुदूरपश्चिम प्रदेशको प्रादेशिक प्रशिक्षकको जिम्मा भने खेम राज भट्ट र जानकी भट्टले पाएका छन्।