काठमाडौं– सरकारले यस वर्षको संविधान दिवसको अवसरमा ८ जना कैदीलाई माफी दिनुका साथै र ५२३ जनाको कैद घटाएको छ। सरकारको सिफारिसमा राष्ट्रपति विद्यादेवी भण्डारीले कैदमाफी र कट्टा गरेकी हुन्।
सजाय माफी पाउनेमा पूर्णबहादुर भन्ने किशोर भण्डारीलगायत छन्। त्यस्तै, हर्कबहादुर राईलगायत ५२३ जना कैदीको भुक्तान हुन बाँकी कैद कट्टा गरिएको छ।
असोज ३ गते संविधानको अवसर पारेर कैद माफी र कैद कट्टाका लागि मन्त्रिपरिषद् बैठकले राष्ट्रपतिसमक्ष गत भदौ २९ गते सिफारिस गरेको थियो।