काठमाडौं– सत्तारुढ नेपाल कम्युनिष्ट पार्टी (नेकपा)को विवादले नयाँ मोड लिएको छ।
शनिबार साँझ बालुवाटारमा सम्पन्न सचिवालय बैठकमा अध्यक्ष केपी शर्मा ओलीले आगामी मंसिरमा पार्टीको एकता महाधिवेशन गर्ने प्रस्ताव अघि सारेका हुन्।
उनको प्रस्तावमा अर्का अध्यक्ष पुष्पकमल दाहालले समर्थन गरेका छन्।
ओलीको प्रस्तावमा विश्वास गर्न नसकिने र मंसिरमा महाधिवेशन सम्भव नभएको भन्दै वरिष्ठ नेता माधवकुमार नेपाल, झलनाथ खनाल, वामदेव गौतमलगायत नेता भने असन्तुष्ट देखिएका छन्।
यसअघि दाहाल–नेपाल समूहले ओलीले पार्टी अध्यक्ष वा प्रधानमन्त्रीमध्ये एक पद छोड्नुपर्ने बताउँदै आएका थिए।
अध्यक्षद्वय ओली र दाहालको बोली एउटै भएपछि नेकपाको विवादले नयाँ मोड लिएको हो।
माधव नेपाल पक्ष नेताहरु भने पुरानै अडानमा छन्।