धनगढी– सुदूरपश्चिम प्रदेश सरकारको आर्थिक मामिला तथा योजनामन्त्रीमा तारा लामा तामाङ नियुक्त हुने भएका छन्। उनको आज साँझ शपथ ग्रहण हुने बताइएको छ।
मुख्यमन्त्री त्रिलोचन भट्ट डोटीमा भएकोले ढिलाइ भएको हो। उनी भएको भए हिजो साँझ वा आज बिहानै शपथ ग्रहण हुने कार्यक्रम थियो। मुख्यमन्त्रीका स्वकीय सचिव प्रेम कुँवरले मुख्यमन्त्री आज दिउँसो धनगढी पुग्ने कार्यक्रम छ।
लामा यसअघि एमालेका प्रमुख सचेतक थिए। उनी कञ्चनपुर क्षेत्र नम्बर १ (क) बाट प्रदेश सभामा निर्वाचित भएका हुन्।
अर्थ राज्यमन्त्रीमा माया तामाङ बोहराको नाम चर्चामा छ। उनी बझाङबाट प्रतिनिधित्व गर्ने समानुपातिक प्रदेश सभा सदस्य हुन्।
नेकपा (एकीकृत समाजवादी) का प्रमुख सचेतक दुर्गा विकले संसदीय दलका नेता दीर्घबहादुर सोडारीलाई पार्टी, मुख्यमन्त्री लगायतका आवश्यक पर्नेसँग समन्वय गरेर मन्त्री लगायतबारे टुंगो लगाउने जिम्मेवारी दिइएको बताइन्।
पार्टी विभाजनपछि पनि एमालेमै रहने निर्णय गरेका तत्कालिन आर्थिक मामिला मन्त्री प्रकाशबहादुर शाहले र अर्थराज्य मन्त्री अर्चना गहतराजले राजीनामा दिएपछि ती दुवै पद खाली रहेको छ।