काठमाडौं- सरकारले आज (शुक्रबार) बाट सार्वजनिक यातायात चल्न दिने निर्णय गरे पनि यातायात व्यवसायीले नचलाउने भएका छन्।
सरकारले भनेको भरमा अहिलेकै अवस्थामा सडकमा गाडी निकाल्न सकिने अवस्था नरहेको नेपाल यातायात राष्ट्रिय व्यवसायी महासंघका महासचिव सरोज सिटौलाले बताए।
उनले नेपाल समयसँग भने, 'अहिले गाडीको अवस्था ठिक छैन। मजदुर कहाँ छन् ठेगान छैन। यस्तो अवस्थामा कसरी गाडी चलाउन सकिन्छ।'
यद्यपि यस विषयमा आज दिउँसो महासंघको बैठक बसेर निर्णय गर्ने उनले बताए। उनका अनुसार सरकारले यातायात व्यवसायी र मजदुरका समस्या समाधान नगरेसम्म तत्काल गाडी नचलाउने महासंघको तयारी छ।