सिन्धुपाल्चोकमा बाढी : मृतकका परिवार र गम्भीर घाइतेलाई एक लाख राहत

काठमाडौं- सिन्धुपाल्चोकको बाह्रबिसे नगरपालिकाले जम्बु बाढीका मृतक परिवारलाई किरिया खर्चबापत तत्काल एक लाख रुपैयाँ राहत दिने भएको छ।

यसैगरी गम्भीर घाइतेको उपचारका लागि पनि सोही बराबरको रकम उपलब्ध गराउने तथा सामान्य घाइतेको उपचारको सम्पूर्ण व्यवस्था गर्ने निर्णय भएको नगरपालिकाका प्रमुख निमफुन्जो शेर्पाले जानकारी दिए।

बाढीबाट विस्थापित भएकालाई मध्यभोटेकोसी जलविद्युत् आयोजनाको आवास गृहमा राखिएको छ। यस्तै केहीलाई सुरक्षित स्थानमा टेन्टमा राखिएको छ।