काठमाडौं- विदेशी नागरिकलाई नागरिकता प्रमाणपत्र दिलाउने अभियोग लागेका एक जना पूर्व कर्मचारी पक्राउ परेका छन्।
झूटो विवरण पेस गरेर विदेशीलाई नागरिकता दिने जिल्ला प्रशासन कार्यालय, झापाका तत्कालीन प्रशासकीय अधिकृत सुरेश आचार्यलाई प्रहरीले काठमाडौंबाट पक्राउ गरेको हो।
झापाका एसपी कृष्ण कोइरालाले काठमाडौंको गठ्ठाघरबाट आचार्यलाई पक्राउ गरेको जानकारी दिए।
विदेशीलाई नागरिकता बनाइदिएको कसुरमा जिल्ला अदालत, झापाले आचार्यविरुद्ध वारेन्ट जारी गरेको थियो। आचार्यले २०७२ मंरि १० गते झूटो विवरण पेस गरी विदेशीलाई नागरिकता दिएको खुलेको छ।