वासिङटन- विश्वमा सबैभन्दा बढी कोभिड १९ का संक्रमित रहेको अमेरिकामा बिहीबार मात्र ५३ हजार जना संक्रमित थपिएका छन्।
अमेरिकी पत्रिका वासिङटन पोस्टका अनुसार अमेरिकामा एकै दिन यतिधेरै संक्रमित थपिएको यो नै पहिलो हो।
बिहीबार फ्लोरिडा राज्यमा मात्र १० हजार १०९ जना नयाँ संक्रमित देखिएका छन्।
अमेरिकामा एकै राज्यमा यति धेरै संक्रमित फ्लोरिडामा देखिएका छन्।
जोन हप्किन्स युनिभर्सिटीले बिहीबारको तथ्यांकमा जनाएअनुसार यहाँ २७ लाख ३२ हजार ६३९ जना संक्रमित पुगेका छन्।
संक्रमणबाट यहाँ १ लाख २८ हजार ६४३ जनाको मृत्यु भइसकेको छ।