सिरी ए अन्तर्गत बिहीबार राति सम्पन्न खेलमा घरेलु टोली एटलान्टासँग नापोली २–० गोलअन्तरले पराजित भएको छ।
कोरोना महामारीपछि पुनः सुरु भएको लिगको २९ चरणको खेलमा चौथो स्थानको एटलान्टासँग छैटौं स्थानको नापोली पराजित भएको हो।
यता एटलान्टाको जितका लागि मारियो पासालिक र रोबिन गोसेन्सले गोल गरे। खेलको पहिलो हाफ गोलरहित बराबरी रहे पनि दोस्रो हाफमा एटलान्टाले दुई गोल गर्यो।
४७ औं मिनेटमा गोमेजको पासमा पुलसिकले गोल गर्दै एटलान्टालाई सुरुवाती अग्रता दिलाए। त्यस्तै ५५ औं मनेटमा गोसेन्सले टोलोइको पासलाई सदुपायोग गर्दै अग्रतालाई दोब्बर बनाए।
दुई गोलको अग्रतासहित एटलान्टाले जित आफ्नो हातमा लियो। जितसहित उसले अंकतालिकामा ६० अंक बनाएको छ। त्यस्तै ४५ अंक बनाएको नापोली छैटौं स्थानमा छ।
गएराति नै सम्पन्न अर्को खेलमा रोमा घरेलु मैदानमा ओलम्पिकाओ रंगाशालामा उडिनेससँग २–० गोलअन्तरले पराजित भएको छ।
जितका लागि केभिन लासाग्नाले १२ औं मिनेटमा गोल गरे। त्यस्तै इलिज नेस्त्रोभ्स्कीले ७८ औं मिनेटमा गोल गरेका थिए। जितसहित उडिनेस १५ औं स्थानमा छ। यता हाका बाबजुद रोमा ४८ अंकका साथ पाचौं स्थानमा छ।
सिरी एमा आज कुनै खेल छैन। भोलि राति भने युभेन्टसले टोलिनोसँग र सौसेलोले लिसेसँग प्रतिस्पर्धा गर्ने छ।
एजेन्सी